Scotstober 2021, Day Ten
<p>We’ve aw heard the proverb ‘oot ae the frying pan an intae the fire’ but whit aboot ‘oot ae the dungeon an intae the midden’? Weel, that wis whit happent tae this young MacDonald chief in the early-seventeenth century: Sir Seumas ae Knockrinsay.</p>
<p>He hud been loacked up in Edinburgh Castle fur three year but finallie managed tae engineer an escape oan a cauld November’s day. Seumas stole a guard’s sword, whapped him oan the heid, and jampt ower the castle waw. He wis still fettered wae iron manacles roon his ankles, so his race tae libertie wis less a sprint and mair a sprauchle. He made it tae the West Port, jist sooth ae the castle, whur the hue and cry hud soon been raised. Guards wur oot looking fur him and he ainlie hud wan option: he dove intae “ane meiddane” tae secret himsel.</p>
<p><a href="https://rrmcrawford.medium.com/scotstober-day-ten-4cc34df80292"><strong>Visit Now</strong></a></p>